ދެޖިންސަށްވެސް އެއްބަޔަކު އަނެއްބަޔަކުގެ މައްޗަށް ޙައްޤުތަކެއް ވެއެވެ.

އަލްއަޚް ޢަބްދުއްރަޙީމް މުޙައްމަދު

ދެޖިންސު މުޖުތަމަޢުގައި އަދާކުރާ ތަފާތު ދެރޯލުގެ ސަބަބުން ދެޖިންސު ވަކި ޙައްޤުގެ ގޮތުން ތަފާތެއް ނުވެއެވެ. ސަބަބަކީ އެއްވެސް ޖިންސަކަށް ހުރިހާ ވާޖިބުތަކާއި ޙައްޤުތައް ލިބުމުގައި ތަފާތު ކުރުމެއް ނުވާތީއެވެ. މިކަމާއި ބެހޭގޮތުން ކީރިތި ޤުރުއާނުގައި ﷲ ސުބްޙާނަހޫ ވަތަޢާލާ ވަޙީކުރައްވަނީ :

އިތުރަށް ވިދާޅުވޭ...

ގޭތެރޭގައި

އަލްއަޚް ޢަބްދުއްރަޙީމް މުޙައްމަދު

ޖިސްމާނީގޮތުން ފިރިހެނާއަކީ ބާރުގަދަ މީހެއްކަމުގައި ވާއިރުގައިވެސް، ގޭތެރޭގެ މަސައްކަތްތައް ކުރުމުގައި އަންހެނާއަކީ ޖިސްމާނީ ގޮތުންވެސް އަދި ތަބީޢީގޮތުންވެސް އެކަމަށް އެންމެ ކުޅަދާނަ ފަރާތެވެ. މާބަނޑުވުމާއި، ވިހެއުމާއި އަދި ދަރިފުޅުގެންގުޅުމާއި އަދި އެދަރިފުޅަށް ގާތުން ކިރުދިނުމުގައި ހުރިހާ ކަމެއްވެސް އެންމެ ފުރިހަމައަށް ކުރެވޭނެ ހަމައެކަނި ފަރާތަކީ އަންހެނާއެވެ.

އަދި ޠަބީޢީގޮތުން އެކަނބަލުންގެ މިޒާޖުގައި ހުންނަ ސިފަތަށް ކަމަށްވާ، އޯގާތެރި އަޅާލާ ހިތްހެޔޮ އަދި އަމިއްލަނަފުސު ދަރިންނަށްޓަކައި ފިދާކޮށްލުން ފަދަ ސިފަތަކަކީ ދަރިންބެލުމާއި އަދި ގޭތެރެ އިންތިޒާމުކޮށް ބެލެހެއްޓުމުގެ މައިގަނޑު އަސާސް ތަކެވެ. ޙަޤީޤަތަށް ބުނާކަމުގައިވާނަމަ، އަންހެންކަނބަލުން ގޭގައި ތިބެގެން ކުރާ މިހުރިހާ ކަމެއްގެ ޙައްޤު ދަރަޖަ އެކަނބަލުންނަށް ދެވެންޖެހޭނެއެވެ. މިޒަމާނުގެ ނޫސްތަކުންނާއި އަދި މުޖުތަމަޢު ތެރެއިން މިފަދަ އަންހެންކަނބަލުންގެ އަގު ވައްޓާލަނީ އެއީ ގޭތެރޭގައި ތިބޭ އަގެއްނެތް ބައެއްކަމަށް ބުނަމުންނެވެ. އެކަނބަލުންގެ ޙަޤީޤީ ދައުރަކީ ކޮބައިކަމާއި އުފުލަމުންދާ ބޮޑެތި މަސްއޫލިއްޔަތުތައް އެއްފަރާތްކޮށްލުމަށް އަގުވައްޓާލަން މިފަދަ ޕުރޮޕަގެންޑާތައް ފެތުރުމަކީ އެއްވެސް އިންސާފެއްނޫނެވެ. އަންހެން ކަނބަލުންނަކީ މިއަދުގެ ޖީލު ބިނާކުރަމުންދާ އަދި ތަރުބިއްޔަތުކުރަމުންދާ އެންމެ މުހިންމު ދައުރެއް އަދާކުރަމުންދާ ފަރާތެވެ. އެއީ ފިރިހެނުންނަށްވެސް އެއާއި އެއްފަދަ ދައުރެއް އަދާ ނުކުރެވޭފަދަ މަތިވެރި މުހިއްމު ދައުރެކެވެ. މިކަމުގެ ސަބަބުން އިސްލާމްދީނުގައި ބައްޕައަކަށްވުރެ މަންމައެއް ވަނީ ތިންގުނައަށް މާތްކުރައްވާފައެވެ. އެޙަދީޘް ކުރީބައިގައި ބަޔާންވެއްޖެއެވެ. ފިރިހެނުންނާއި އަންހެނުންގެ ދައުރު ބަޔާންކޮށްދެއްވަމުން ކީރިތި ޤުރުއާނުގައި ﷲ ސުބްޙާނަހޫ ވަތަޢާލާ ވަޙީކުރައްވާފައިވެއެވެ.
الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً - النساء: ٣٤
މާނައީ: "ފިރިހެނުންނަކީ، އަންހެނުންގެ މައްޗަށް ރައްކާތެރިވެ ބެލެހެއްޓުމުގައި ޤާއިމްވެގެންތިބޭ ބަޔެކެވެ. (އެއީ) އެއުރެންގެ އެއްބަޔެއްގެ މައްޗަށް އަނެއްބަޔަކު ﷲ މާތްކުރައްވާފައިވާ ކަމަށްޓަކައެވެ. އަދި، އެބައިމީހުންގެ މުދަލުން ހޭދަކޮށްފައިވާ ކަމަށްޓަކައެވެ. ފަހެ، ހެޔޮލަފާ އަންހެނުންނަކީ، ކިޔަމަންތެރި އަންހެނުންނެވެ. ރައްކާތެރިކުރުމަށް ﷲ އެންގެވި ކަންތައް، ސިއްރުގައިވެސް، ރައްކާތެރިކުރާ އަންހެނުންނެވެ. އެކަނބަލުން ނުކިޔަމަންތެރިވެދާނެކަމަށް، ތިޔަބައިމީހުން ބިރުގަންނަނަމަ، ފަހެ، އެކަނބަލުންނަށް ނަޞީޙަތްދޭށެވެ! އަދި، އެކަނބަލުންނާއެކު އެއްދާންކުރުން ދޫކޮށްލާށެވެ! އަދި، އެކަނބަލުންގެ ގައިގައި (ހާނީއްކަ ނުވާގޮތުން) ޖަހާށެވެ! ފަހެ، ތިޔަބައިމީހުންނަށް އެކަނބަލުން ކިޔަމަންވެއްޖެނަމަ، އެކަނބަލުންގެ މައްޗަށް (އަނިޔާވެރި) މަގަކަށް ނޭދޭށެވެ! ހަމަކަށަވަރުން، ﷲއީ އެންމެ މަތިވެރި، އެންމެ ބޮޑު އިލާހު ކަމުގައިވެއެވެ."

މިއާޔަތުގައި ފިރިހެނާ ސިފަކޮށްފައިވަނީ ރައްކައުތެރިކޮށް ބަލަހައްޓާ ފަރާތުގެ ގޮތުގައެވެ. قوامون އަދި އަންހެނާ ސިފަކޮށްފައިވަނީ حافضات للغيب ސިއްރުތައް ފޮރުވާ ރައްކާތެރިކުރާ ފަރާތުގެ ގޮތުގަޔާއި އަދި قانتات ކިޔަމަންތެރި ފަރާތެއްގެ ގޮތުގައެވެ. މިއާޔަތުގައި ފިރިހެނާ ރައްކައުތެރިކޮށް ބަލަހައްޓާ ފަރާތެއްގެ ގޮތުގައި ގެނެސްދީފައިވާ ދެސަބަބެއް ބަޔާންކުރައްވައެވެ.

ފުރަތަމަކަމަކީ "އެދެބައިމީހުން އެއްބައެއްގެ މައްޗަށް އަނެއްބަޔަކު މާތް ﷲ މާތްކުރައްވާފައިވާ ކަމަށްޓަކައެވެ." އެޖުމްލައިގެ މުރާދަކީ ފިރިހެނާ ޖިސްމާނީގޮތުން ބާރުގަދަ ކުރައްވައި މަސައްކަތް ކުރުމުގެ ބާރު އޭނާއަށް ދެއްވުމެވެ. ތާރީޚީގޮތުން އިންސާނާ ދިރިއުޅެން ފެށީއްސުރެ ފެންނަ ޙަޤީޤަތަކީ މިއެވެ. މުޖުތަމަޢުގެ ހުރިހާ ދާއިރާތަކެއް ބަލަހައްޓަމުން އައީ ފިރިހެނުންނެވެ. ކާއެއްޗެހި ހޯދުމާއި، މުޖުތަމަޢުގެ ޤަވާޢިދުތައް ހިންގުމާއި، ދުޝްމަނުންނާއި ދެކޮޅަށް ހަނގުރާމަ ކުރުމާއި، އާ ބިންތައް ހޯދައި ވަޒަންވެރިވުމާއި، ޚަޒާނާތަކާއި ބިމުގެ އަޑީގައިވާ މަޢުދަންތައް ހޯދުމާއި މިފަދަ އެތައްކަމަކީ ފިރިހެނުންނަށް ޚާއްޞަ ދާއިރާތަކެވެ. އަދި އަންހެން ކަނބަލުން އަބަދުވެސް ތިބީ ގޭގައި ދަރިން ރަނގަޅުގޮތުގައި ތަރުބިއްޔަތު ކުރުމަށްޓަކައެވެ. އެކުދިންނަށް ބޭނުންވާ ކަންތައްތައް އެންމެ ރަނގަޅަށް އެނގޭ ފަރާތަކީ އެކުދިންގެ މައިންނެވެ.

ދެވަނަ ސަބަބަކީ "އަދި އެމީހުންގެ މުދަލުން ހޭދަކޮށްފައިވާ ކަމަށްޓަކައެވެ." އެއީ މާލީގޮތުން ޢާއިލާއަށް ބޭނުންވާ ހުރިހާކަމެއް ފުރިހަމަކުރުމަކީ ފިރިހެނާގެ ޒިންމާއެކެވެ. އަދި ކައިވެނި ކުރާއިރު ރަނުގެގޮތުގައި އަނބިމީހާއަށް، ރަން އަދާކުރާ ފަރާތަކީވެސް ފިރިހެނާއެވެ. ކޮންމެ ގެއެއްގައިވެސް ފިރިހެނާއަކީ އަމުރު މަޢުރޫފު ހިންގާ ފަރާތެވެ. އަދި އެހުރިހާ ކަމެއް ބަލަހައްޓާ އަދި ކަންތައްތައް ރަނގަޅަށް ހިންގާ ފަރާތަކީ އަނބިމީހާއެވެ. އަނބިމީހާއަކީ އާޢިލާގައި ތަނބެއްފަދަ ފަރާތެކެވެ. އެއްވެސް ތަނެއްގައި ދެވެރިން ނުތިބޭފަދައިން، ޢާއިލާއެއްގައިވެސް ވެރިފަރާތަކީ ފިރިހެނާއެވެ. ނަމަވެސް ގެއާއި ޢާއިލާގެތެރޭގައި ހުރިހާ ކަމެއް ހިންގައި ބަލަހައްޓާ ފަރާތަކީ އަންހެނާއެވެ. މިސާލަކަށް ޤާނޫނީ ގޮތުން ދިވެހިރާއްޖޭގެ ހުރިހާ ބާރެއް އޮންނާނީ ދިވެހިރާއްޖޭގެ ރައްޔިތުންނަށެވެ. ނަމަވެސް ސަރުކާރާއި ދިވެހި ދަޢުލަތުގެ ހުރިހާ ކަމެއް ބަލަހައްޓާނީ ރައްޔިތުން އިޚްތިޔާރުކުރާ ރައްޔިތުންގެ މަންދޫބެކެވެ. އަދި ޤާނޫނުތައްވެސް ހަދަމުންދާނީ ރައްޔިތުންގެ މަންދޫބުންނެވެ. ޢާއިލާއެއްގައިވެސް ކަންތައް އޮތީ ހަމަ މިޢުޞޫލުންނެވެ.

އިތުރަށް ވިދާޅުވޭ...

އަންހެންކުދިން ބަލާ ބޮޑުކުރުމުގެ މާތްކަން

އަލްއަޚް ޢަބްދުއްރަޙީމް މުޙައްމަދު

ޢަރަބިންގެ މުޖުތަމަޢުއަކީ އިސްލާމްދީން ފާޅުވުމުގެ ކުރިން އަންހެންކުދީން މަރަމުން އައި ބަޔެކެވެ. އަންހެންކުދިން ދިރިތިއްބާ ވަޅުލަމުން އައި ބަޔެކެވެ. އަދި އަންހެނުންނަކީ ވާރުތަމުދަލެއް ފަދައިން ވާރުތަވާ އެއްޗަކަށް އެދުވަސްވަރު ވަނީ ވެފައެވެ.

މާތް ﷲ ކީރިތިޤުރުއާނުގައި މިކަން ބަޔާންކުރައްވާފައިވާ ބަސްފުޅަކީ: وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ * يَتَوَارَىٰ مِنَ الْقَوْمِ مِن سُوءِ مَا بُشِّرَ بِهِ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ أَلَا سَاءَ مَا يَحْكُمُونَ - النحل: ٥٨-٥٩ މާނަ: "އަދި އެއިން މީހަކަށް، އަންހެންދަރިއެއް ލިބިއްޖެކަމުގެ ޚަބަރު ދެވިއްޖެނަމަ، އެމީހެއްގެ މޫނު (އެކަމާ ދެރަވެ ހިތާމައިން) ކަޅުވެދެއެވެ. އަނދިރިވެގެންދެތެވެ. އަދި އޭނާއަށް އެ ޚަބަރު ދެވުނުކަމުގެ ނުބައިކަމުން (އެބަހީ: އަންހެންދަރިޔަކު ލިބުމުގެ ނުބައިކަމުން) އޭނާ މީސްތަކުންނާ ދުރުވެ ވަންހަނާވެދެއެވެ. ނިވައިވެދެއެވެ. ނިކަމެތިކަމާއި ދެރަކަމާ އެކު އެކުއްޖާ ގެންގުޅޭނީ ބާވައެވެ؟ ނުވަތަ އެކުއްޖާ (ދިރިއޮއްވާ) ފަސްގަނޑުގެ ތެރޭގައި ވަޅުލާނީބާވައެވެ؟ ދަންނާށެވެ! އެމީހުން އެކުރާ ޙުކުމް ހާދަހާވާ ނުބައިވެގެންވެއެވެ!"
ރަސޫލު ﷲ ޞައްލަﷲ ޢަލައިހި ވަސައްލަމަ މި ޙައްޤުދީނާއިގެން ވަޑައިގެންވަނީ މި ނުބައި އާދަ ނައްތައިލައްވާފައެވެ.

އަންހެންކުދިން ދިރިތިއްބައި ވަޅުލަމުން އައިދުވަސްވަރު އެކަންމަނާކުރައްވައި އެ އާދަ ނައްތާލުމަށްޓަކައި ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘްކުރެއްވިއެވެ.
مَنْ عَالَ جَارِيَتَيْن حَتَّى تَبْلُغَا جَاءَ يَوْمَ القِيَامَةِ أنَا وَهُوَ كَهَاتَيْنِ (رواه مسلم ) وَضَمَّ أَصَابِعَهُ ދެ އަންހެންދަރިން ބާލިޣުވަންދެން އެދެކުދިން ހެޔޮގޮތުގައި ބަލައި ބޮޑުކޮށް ތަރުބިއްޔަތުކޮށްފި މީހާ ޤިޔާމަތްދުވަހުން އެމީހަކު ތިމަންކަލޭގެފާނާއި މިފަދައިން އަރިސްވެގެންވާ ހުއްޓެވެ. (މިހެން ޙަދީޘްކުރައްވައި، އެކަލޭގެފާނުގެ އިނގިލިފުޅުތައް ކައިރިކޮށްލެއްވިއެވެ).

އިތުރަށް ވިދާޅުވޭ...

އިސްލާމްދީނުގައި މަންމައަށް ދެވޭ މަތިވެރި މަޤާމު

އަލްއަޚް ޢަބްދުއްރަޙީމް މުޙައްމަދު

އެއްދުވަހަކު މީހަކު ރަސޫލުﷲ ޞައްލަﷲ ޢަލައިހި ވަސައްލަމަގެ އަރިހަށް އައިސް ދެންނެވިއެވެ.
يَا رَسُولَ اللَّهِ ! أَيُّ النَّاسِ أَحَقُّ مِنِّي بِحُسْنِ الصُّحْبَةِ ؟ قَالَ : " أُمُّكَ " . قَالَ : ثُمَّ مَنْ ؟ قَالَ : " ثُمَّ أُمُّكَ " قَالَ : ثُمَّ مَنْ ؟ قَالَ : " ثُمَّ أُمُّكَ " . قَالَ : ثُمَّ مَنْ ؟ قَالَ : " ثُمَّ أَبَاكَ " . (رواه مسلم)
މާނައީ: "އޭ ﷲ ގެ ރަސޫލާއެވެ. އަޅުގަނޑުގެ އެމީހެއްގެ މައްޗަށް އޯގާތެރިވުމާއި އަޅާލުންދިނުން އެންމެ އަޢުލާކަން ބޮޑުވެގެންވަނީ ކާކުގެ މައްޗަށްތޯއެވެ؟ ޙަދީޘްކުރެއްވިއެވެ. "ތިބާގެ މަންމައެވެ." އަނެއްކާވެސް އޭނާ ސުވާލުކުރިއެވެ. "ދެންކާކުހެއްޔެވެ؟" ޙަދީޘްކުރެއްވިއެވެ. "ދެންވެސް ތިބާގެ މަންމައެވެ." އަނެއްކާވެސް އޭނާ ސުވާލުކުރިއެވެ. "ދެންކާކުގެމައްޗަށް ތޯއެވެ؟" ޙަދީޘްކުރެއްވިއެވެ. "ދެންވެސް ތިބާގެ މަންމައެވެ." ސުވާލު ތަކުރާރު ކުރުމުން ޙަދީޘްކުރެއްވިއެވެ. "ތިބާގެ ބައްޕައެވެ."

އިބްނު ޢުމަރު ރަޟިޔަﷲ ޢަންހު، ރަސޫލުﷲ ޞައްލަﷲ ޢަލައިހި ވަސައްލަމަގެ ކިބައިން ރިވާ ކުރެއްވިއެވެ. ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘްކުރެއްވިއެވެ.
"انْطَلَقَ ثَلاثَةُ رَهْطٍ مِمَّنْ كَانَ قَبْلَكُمْ حَتَّى أَوَوْا الْمَبِيتَ إِلَى غَارٍ فَدَخَلُوهُ فَانْحَدَرَتْ صَخْرَةٌ مِنْ الْجَبَلِ فَسَدَّتْ عَلَيْهِمْ الْغَارَ فَقَالُوا إِنَّهُ لا يُنْجِيكُمْ مِنْ هَذِهِ الصَّخْرَةِ إِلا أَنْ تَدْعُوا اللَّهَ بِصَالِحِ أَعْمَالِكُمْ ، فَقَالَ رَجُلٌ مِنْهُمْ اللَّهُمَّ كَانَ لِي أَبَوَانِ شَيْخَانِ كَبِيرَانِ وَكُنْتُ لا أَغْبِقُ - شُرْب الْعَشِيّ - قَبْلَهُمَا أَهْلا وَلا مَالا فَنَأَى بِي فِي طَلَبِ شَيْءٍ يَوْمًا فَلَمْ أُرِحْ عَلَيْهِمَا حَتَّى نَامَا فَحَلَبْتُ لَهُمَا غَبُوقَهُمَا فَوَجَدْتُهُمَا نَائِمَيْنِ وَكَرِهْتُ أَنْ أَغْبِقَ قَبْلَهُمَا أَهْلا أَوْ مَالا فَلَبِثْتُ وَالْقَدَحُ عَلَى يَدَيَّ أَنْتَظِرُ اسْتِيقَاظَهُمَا ُ [َ فَكَرِهْتُ أَنْ أُوقِظَهُمَا وَالصِّبْيَةُ يَتَضَاغَوْنَ - الصِّيَاح بِبُكَاء بسبب الجوع - عِنْدَ رِجْلَيَّ فَلَمْ يَزَلْ ذَلِكَ دَأْبِي وَدَأْبَهُمَا حَتَّى طَلَعَ الْفَجْرُ ] حَتَّى بَرَقَ الْفَجْر فَاسْتَيْقَظَا فَشَرِبَا غَبُوقَهُمَا اللَّهُمَّ إِنْ كُنْتُ فَعَلْتُ ذَلِكَ ابْتِغَاءَ وَجْهِكَ فَفَرِّجْ عَنَّا مَا نَحْنُ فِيهِ مِنْ هَذِهِ الصَّخْرَةِ فَانْفَرَجَتْ شَيْئًا لا يَسْتَطِيعُونَ الْخُرُوج .
وَقَالَ الآخَرُ اللَّهُمَّ كَانَتْ لِي بِنْتُ عَمٍّ كَانَتْ أَحَبَّ النَّاسِ إِلَيَّ [ كُنْتُ أُحِبُّ امْرَأَةً مِنْ بَنَاتِ عَمِّي كَأَشَدِّ مَا يُحِبُّ الرَّجُلُ النِّسَاءَ ] فَأَرَدْتُهَا عَنْ نَفْسِهَا فَامْتَنَعَتْ مِنِّي حَتَّى أَلَمَّتْ بِهَا سَنَةٌ مِنْ السِّنِينَ فَجَاءَتْنِي فَأَعْطَيْتُهَا عِشْرِينَ وَمِائَةَ دِينَارٍ عَلَى أَنْ تُخَلِّيَ بَيْنِي وَبَيْنَ نَفْسِهَا فَفَعَلَتْ حَتَّى إِذَا قَدَرْتُ عَلَيْهَا (وَفِي رِوَايَةٍ: فَلَمَّا قَعَدْتُ بَيْنَ رِجْلَيْهَا) قَالَتْ لا أُحِلُّ لَكَ أَنْ تَفُضَّ الْخَاتَمَ إِلا بِحَقِّهِ [قَالَتْ اتَّقِ اللَّهَ وَلا تَفُضَّ الْخَاتَمَ إِلا بِحَقِّهِ ] فَتَحَرَّجْتُ مِنْ الْوُقُوعِ عَلَيْهَا فَانْصَرَفْتُ عَنْهَا [ فَقُمْتُ وَتَرَكْتُهَا] وَهِيَ أَحَبُّ النَّاسِ إِلَيَّ وَتَرَكْتُ الذَّهَبَ الَّذِي أَعْطَيْتُهَا اللَّهُمَّ إِنْ كُنْتُ فَعَلْتُ ابْتِغَاءَ وَجْهِكَ فَافْرُجْ عَنَّا مَا نَحْنُ فِيهِ فَانْفَرَجَتْ الصَّخْرَةُ غَيْرَ أَنَّهُمْ لَا يَسْتَطِيعُونَ الْخُرُوجَ مِنْهَا
وَقَالَ الثَّالِثُ اللَّهُمَّ إِنِّي اسْتَأْجَرْتُ أُجَرَاءَ فَأَعْطَيْتُهُمْ أَجْرَهُمْ ( أَيْ : ثَمَنه) غَيْرَ رَجُلٍ وَاحِدٍ تَرَكَ الَّذِي لَهُ وَذَهَبَ فَثَمَّرْتُ أَجْرَهُ حَتَّى كَثُرَتْ مِنْهُ الأَمْوَالُ فَجَاءَنِي بَعْدَ حِينٍ فَقَالَ يَا عَبْدَ اللَّهِ أَدِّ إِلَيَّ أَجْرِي فَقُلْتُ لَهُ كُلُّ مَا تَرَى مِنْ أَجْرِكَ مِنْ الإِبِلِ وَالْبَقَرِ وَالْغَنَمِ وَالرَّقِيقِ فَقَالَ يَا عَبْدَ اللَّهِ لا تَسْتَهْزِئُ بِي فَقُلْتُ إِنِّي لا أَسْتَهْزِئُ بِكَ فَأَخَذَهُ كُلَّهُ فَاسْتَاقَهُ فَلَمْ يَتْرُكْ مِنْهُ شَيْئًا اللَّهُمَّ فَإِنْ كُنْتُ فَعَلْتُ ذَلِكَ ابْتِغَاءَ وَجْهِكَ فَافْرُجْ عَنَّا مَا نَحْنُ فِيهِ فَانْفَرَجَتْ الصَّخْرَةُ فَخَرَجُوا يَمْشُونَ . (رواه البخاري في الأدب ومسلم في الذكر واللفظ من رياض الصالحين)
ތިޔަބައިމީހުންގެ ކުރީގައި އުޅުނު ތިންމީހަކު ދަތުރުކުރަމުން ދިޔައެވެ. ދެން އެމީހުން ރޭގަނޑު ވޭތިކުރުމަށްޓަކައި ހޮހޮޅައަކަށްވަނެވެ. ދެންފަހެ ފަރުބަދައިގެ މަތިން ވެއްޓުނު ހިލައެއްގެ ސަބަބުން ހޮހޮޅައިގެ ދޮރު ބަންދުވެއްޖެއެވެ. އެމީހުން އެކަކު އަނެކަކަށް ބުންޏެވެ. ކޮންމެ މީހަކުވެސް އެމީހަކު ކޮށްފައިވާ ޞާލިޙްޢަމަލުތައް މެދުވެރިކޮށް ﷲ ސުބްޙާނަހޫ ވަތަޢާލާއަށް ދަންނަވައިގެން މެނުވީ މިކަމުން އަހަރެމެން ނަޖާއެއް ނުވާނެއެވެ. އެމީހުންގެ ތެރެއިން އެކަކު ބުންޏެވެ. "އޭ ﷲ ! އަހަރެންގެ މަންމައާއި ބައްޕަ މުސްކުޅިވެފައިވާ ދެމީހުން ކަމުގައިވިއެވެ. އަހަރެން ދުވަހަކުވެސް އަހަރެންގެ އަހުލުންނަށް އެއްވެސް އެއްޗެއް ބުއިމަށް އެދެމީހުންނަށް ދިނުމަށްފަހުގައި މެނުވީ ނުދެމެވެ. އެއްދުވަހަކު އަހަރެންގެ ނަޢަމްސޫފިތައް ހުއިހެއްޕުމުގެ ތެރޭގައި އެއްޗެއް ހޯދަންވެގެން ވަރަށް ދުރަށް ދާންޖެހުނެވެ. އަހަރެން އެނބުރި އާދެވުނުއިރު މައިންބަފައިން ވަނީ ނިދާފައެވެ. މައިންބަފައިންނަށް ރޭގަނޑުގެ ބުއިމުގެ ގޮތުގައި ދިނުމަށްޓަކައި ކަންބަޅިން ކިރުފެލީމެވެ. އެހިނދު އެމީހުންނަށްވުރެ ކުރިން އަހަރެންގެ އަހުލުން އެކިރު ބުއިމަށް ހިތްހަމައެއްނުޖެހުނެވެ. އެމީހުންގެ ގާތުގައި އެމީހުން ހޭލާނެ ވަގުތަކަށް އިންތިޒާރުކުރުމުގައި ކިރުއަޅާފައިވާ ކަދާ ހިފައިގެން ހުރީމެވެ. އެދެމީހުންނަށް ހޭލައްވާލުމަށް ހިތްހަމައެއްނުޖެހުނެވެ. އަހަރެންގެ ދަރީންތައް ބަނޑުހައިވެގެން އަހަރެންގެ ފައިބުޑުގައި ރޮމުން ދިޔައެވެ. ފަތިސްވަންދެނެވެ. އެންމެފަހުން އެދެމީހުން ހޭލައިފިއެވެ. އެއަށްފަހު އަހަރެން އެދެމީހުންނަށް އެކިރުގެ ކަންވާރުން ބުއެވެ. އޭ ﷲ! އަހަރެންނަށް މިކަން ކުރެވިފައިވަނީ އިބަ އިލާހުގެ ވަޖުހުފުޅު އަދައިގެން ކަމުގައި ވާނަމަ އަހަރެމެންނަށް ޖެހިފައިވާ މިވާ ހާލުން ސަލާމަތް ކުރައްވާންދޭވެ!" އެޔަށްފަހު އެހިލަ ކުޑަކޮށް ފެޔަށް ޖެހިލިއެވެ. ނަމަވެސް މީހަކަށް ނުކުމެވޭ ވަރެއް ނުވިއެވެ.
އަނެކަކު ބުންޏެވެ. އޭ ﷲ އެވެ. ތިމަންނާގެ ބޮޑުބޭގެ އަންހެން ކުއްޖަކު ހުރެއެވެ. އެ ކުއްޖާވީ މީސްތަކުންގެ ތެރެއިން ތިމަންނާ އެންމެ ލޯބިވާމީހާކަމުގައެވެ. (ފިރިހެނުން އަންހެނުންދެކެ ލޯބިވާ އެންމެ ބޮޑަށް އަހަރެން އޭނާދެކެ ލޯބިވީމެވެ) އަހަރެން އޭނާގެ ނަފްސުން ޖާގައަކަށް ޤަޞްދުކުރީމެވެ. އަދި އޭނާ އަހަރެންގެ ކިބައިން މަނާވިއެވެ. އެހެންގޮސް އެއްއަހަރަކު އޭނާ ތަދުމަޑުކަމުގައި ޖެހިގެން އަހަރެންގެ ގާތަށް އަތުވައްޖެއެވެ. އަހަރެން އޭނާއަށް ސަތޭކަ ވިހި ދީނާރު ދިނީމެވެ. އެއީ އަހަރެންނާ އޭނާގެ ނަފްސާ ދެމެދު ހުރަސް ނޭޅުމުގެ މައްޗަށެވެ. އަދި އޭނާ އެއްބަސްވެއްޖެއެވެ. އަދި އަހަރެން އޭނާގެ މައްޗަށް މުޅިން ބާރުގަދަވިފަހުން، އެހެން ރިވާޔަތެއްގައި ވަނީ: (އަހަރެން އޭނާގެ ދެފައިދޭތެރޭގައި އިށީނުމުން އޭނާ ބުންޏެވެ.) ﷲއަށް ބިރުވެތިވާށެވެ. އޭގެ ހައްގުއަދާނުކޮށް ސިއްކަ ނުކަނޑާށެވެ. ފަހެ އަހަރެން އޭނާގެ ކިބައިން ދުރަށް ދިޔައީމެވެ. އެކަމަކު އެއީ އަހަރެން އެންމެ ލޯބިވާ އިންސާނާއެވެ. އަދި މިއަޅާ އޭނާއަށް ދިން ރަންތައްވެސް ދިނީއެވެ. އޭ ﷲ! މިއަޅާ މިކަންތައް ކުރީ އިބައިލާހުގެ ވަޖުހަފުޅުއަދައިގެން ކަމުގައިވާނަމަ އަހަރެމެން ޖެހިފައިމިވާ ޙާލުން ސަލާމަތްކުރައްވާންދޭވެ! ފަހެ ހިލަ ތަންކޮޅެއް ދުރުވެއްޖެއެވެ. އެކަމަކު ނުކުމެވޭވަރެއް ނުވެއެވެ.
ތިންވަނަ މީހާބުންޏެވެ. އޭ ﷲ! އަހަރެން ކުއްޔަށް މަސައްކަތު މީހުންތަކެއް ގެނައީމެވެ. އަދި އެކަކުފިޔަވައި އެންމެންގެ މުސާރަ އެމީހުންނަށް ދިނީމެވެ. އޭނާގެ މުސާރަ ބަހައްޓައިފައި އޭނާ ދިޔައީއެވެ. މިއަޅާ އޭނާގެ މުސާރަ އިތުރުކުރީމެވެ. އެދިޔަގޮތަށްގޮސް އޭނާގެ މުދާތައް ގިނަވެއްޖެއެވެ. އެތައްޒަމާނެއްފަހުން އަހަރެންގެ ގާތަށް އަތުވައްޖެއެވެ. އަދިބުންޏެވެ. އޭ ﷲގެ އަޅާއެވެ. އަހަރެންގެ މުސާރަ ދޭށެވެ. އަހަރެން ބުނީމެވެ. ތިބާއަށް ތިޔަ ފެންނަންމިހިރަ ޖަމަލާއި ގެރިޔާއި ބަކައްޓާއި އަޅުންނަކީ ތިބާގެ މުސާރައެވެ.(އުޖޫރައެވެ) އޭނާބުންޏެވެ. ސަމާސާނުކުރާށެވެ. އަހަރެން ބުނީމެވެ. އަހަރެން ސަމާސާއެއް ނުކުރަމެވެ. ފަހެ އޭނާ އެހުރިހާ އެއްޗިހި ހިފައިގެން ހިގައްޖެއެވެ. އެއިން އެއްވެސް އެއްޗެއް ދޫނުކުރެއެވެ. އޭ ﷲ! މިއަޅާ މިކަންކުރީ އިބަﷲ ގެ ވަޖުހަފުޅު އަދައިގެން ކަމުގައިވާނަމަ އަހަރެމެންނަށް ޖެހިފައިވާ ޙާލުން ސަލާމަތް ކުރައްވާންދޭވެ! ފަހެ ހިލަ އެއްކައިރި ވެއްޖެއެވެ. ދެން އެބައިމީހުން ނުކުމެގެން ހިނގައިފައި ގޮއްސިއެވެ."

މިފަދަ ވާހަކަތައް ރަސޫﷲ ޞައްލަﷲ ޢަލައިހި ވަސައްލަމަ އަހަރެމެންނަށް ކިޔާދެއްވުމުގެ ޙިކުމަތަކީ އިސްލާމްދީނުގައި މައިންބަފައިންނަށް ދޭ ދަރަޖަ ބަޔާންކޮށްދީ އެފަދަ އަމަލުތަކަށް މީހުންނަށް ހިތްވަރު ދިނުމެވެ. މިކަމުން މަންމަ އަށާއި ބައްޕައަށް އޯގާތެރިވުމުގެ މުހިންމު ކަމާއި މާތްކަން އަހަރެމެންނަށް އެނގިގެން އެބަދެއެވެ. މަތީގައި އެވާ ހަދީޘްގައި ބަޔާން ކުރެވިފައި އެވަނީ މި މައުޟޫއާއި ގުޅޭ ތަންކޮޅެވެ.
ކީރިތި ޤުރުއާނުގައިވެސް މައިންބަފައިންނަށް އޯގާތެރިވުމަށާއި އިޙްތިރާމް ކުރުމަށް އަމުރުފުޅު އައިސްފައިވާއިރު، މަންމައަށް ޚާއްޞަކޮށް އޯގާތެރިވުމަށް ﷲ ސުބްޙާނަހޫ ވަތަޢާލާ އަމުރުކުރައްވައެވެ. އަދި މި އަމުރުފުޅު އައިސްފައިވަނީ މުޅި އިންސާނިއްޔަތަށެވެ.

ﷲ ސުބްޙާނަހޫ ވަތަޢާލާ ވަޙީކުރެއްވިއެވެ. "وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ" (لقمان 14) މާނައީ: "އަދި އިންސާނާއަށް އޭނާގެ މައިންބަފައިންނަށް ހެޔޮކޮށް ހިތުމަށް ތިމަންއިލާހު އޭނާއަށް ވަސިއްޔަތް ކުރެއްވީމެވެ. އޭނާގެ މަންމަ އޭނާއައިގެން ބަލިވެއިނީ ބަލިކަށިކަމުގެ މައްޗަށް ބަލިކަށިކަން އުފުލާ ޙާލުގައެވެ. އަދި އޭނާ ކިރު ތުނބުން ވީއްލުންވަނީ ދެއަހަރުތެރޭގައެވެ. ތިމަން އިލާހަށާއި އަދި ތިބާގެ މައިންބަފައިންނަށް ޝުކުރު ކުރާށެވެ. އަދި ތިޔަބައިމީހުން އެނބުރި އައުންވަނީ ހަމަ ތިމަން އިލާހުގެ ޙަޟްރަތަށެވެ."

އިތުރަށް ވިދާޅުވޭ...

އިސްލާމްދީނުގައި އަންހެނުންގެ އަގު

އަލްއަޚް ޢަބްދުއްރަޙީމް މުޙައްމަދު ޅޮހީ

ރަސޫލު ﷲ ޞައްލަﷲ ޢަލައިހި ވަސައްލަމަ އަންހެން ކަނބަލުންނާ ބެހޭގޮތުން ޙަދީޘް ކުރައްވާފައި ވެއެވެ. الدُّنْيَا مَتَاعٌ ، وَخَيْرُ مَتَاعِ الدُّنْيَا الْمَرْأَةُ الصَّالِحَةُ (رواه مسلم) މާނައީ: "ދުނިޔެއަކީ ފައިދާއެކެވެ. ދުނިޔޭގައިވާ ހެޔޮ ފައިދާއަކީ ޞާލިޙު އަންބެކެވެ."

އަދިވެސް ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘްކުރެއްވިއެވެ. أَلاَ أُخْبِرُكَ بِخَيرِ مَا يَكْنُزُ المَرْءُ المَرْأةَ الصَّالِحَةَ الَّتِي إذَا نَظَرَ إلَيْهَا سَرَّتْهُ ، وَإذَا أمَرَهَا أطَاعَتْه ، وَإذَا غَابَ عَنْهَا حَفِظَتْهُ – (رواه أبو داود والحاكم وقال: حديث صحيح الإسناد) މާނައީ: "ފިރިހެނަކު ކަންޒުކުރާނެ ހެވަކީ ކޮބައިކަން ތިމަންކަލޭގެފާނު އަންގައެއް ނުދެމުހެއްޔެވެ؟ އެއީ ޞާލިޙު އަންބެކެވެ. އޭނާ އެއަންހެނާއަށް ބަލައިފިނަމަ ހިތްހަމަޖެހުން ލިބެއެވެ. ކަމަކަށް އަމުރުކޮށްފިނަމަ އެކަމަށް އިޖާބަ ދެއެވެ. އަދި އޭނާގެ ފިރިމީހާ ނެތް ހާލަތުގައި އޭނާއަށްޓަކައި ރައްކާތެރިވެއެވެ."

އަދިވެސް ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘްކުރެއްވިއެވެ. حُبِّبَ إِلَيَّ مِنْ الدُّنْيَا النِّسَاءُ وَالطِّيبُ وَجُعِلَ قُرَّةُ عَيْنِي فِي الصَّلَاةِ (رواه النسائي) މާނައީ: "ތިމަން ކަލޭގެފާނަށް މިދުނިޔެއިން އެންމެ ލޮބުވެތި އެއްޗަކީ އަންހެނުންނާއި ހުވަނދެވެ. އަދި ތިމަންކަލޭގެފާނުގެ ލޮލުގެ ފިނިކަމަކީ ނަމާދެވެ."

އިތުރަށް ވިދާޅުވޭ...

އުފެދުމުގައި އަންހެނުންނާ ފިރިހެނުންވެސް ވަނީ އެއްބަޔަކު އަނެއްބަޔަކަށް ބަރޯސާވެގެން

އަލްއަޚް ޢަބްދުއްރަޙީމް މުޙައްމަދު ޅޮހީ

އަންހެނުންނާއި ފިރިހެނުންގެ މެދުގައި ރޫޙާނީގޮތުން އެފަދަ އެއްގޮތް ކަންތައްތަކެއް ހުރިއިރު، ދީނުގެ ޙައްޤުތަކާއި ވާޖިބުތަކާއި އަދި ވަކި ޖިންސަކަށް ޚާއްޞަ ކަންތައްތަކުގައި ދެބައިމީހުންގެ ދެމެދުގައި ފަރަޤުވަނީ ކީއްވެބާއޭ ސުވާލުއުފެދިދާނެއެވެ.

ތިރީގައިމިވާ ސުވާލުތަކަކީ މިފަދައިން މުސްލިމުންނާއި އަދި މުސްލިމުނޫން މީހުންވެސް ވަރަށް ގިނައިން ކުރާ ސުވާލުތަކެކެވެ.

އިސްލާމްދީނުގައި އަންހެނުން ގޭގައި ތިބުމަށް ބާރުއަޅަނީ ކީއްވެގެންހެއްޔެވެ؟
އިސްލާމް ދީނުގައި އަންހެނުން ބުރުގާ އަޅަންޖެހެނީ ކީއްވެގެންހެއްޔެވެ؟
ވާރުތަ މުދަލުން ފިރިހެނުންނަށްވުރެ މަދުން އަންހެނުންނަށް ލިބެނީ ކީއްވެގެންހެއްޔެވެ؟
އަންހެނުންނަށް ފިރިހެނުންނެކޭ އެއްގޮތަށް ހެކިބަސް ނުދެވެނީ ކީއްވެގެންހެއްޔެވެ؟
އަންހެނުންނަށް ވެރިކަން ނުކުރެވެނީ ކީއްވެގެންހެއްޔެވެ؟

އަދިވެސް މިފަދަ ވަރަށްގިނަ ސުވާލުތަކެއް ގިނަބަޔަކު އުފައްދަމުން ދެއެވެ. އިސްލާމީ ޝަރީޢަތުގެ މިފަދަ ޤަވާޢިދުތައް ދެނެގަނެވޭނީ ފުރަތަމަ ދީނުގައި މިކަންކަމުގެ އަސާސްތައް ދެނެގަނެގެންނެވެ. އެއީ މިދެޖިންސަކީ ދެޖިންސުގެ މައްޗަށް ބަރޯސާވެގެންވާ ދެޖިންސަށް ވާކަމަށްޓަކައެވެ. މިޒަމާނުގައި ޒަމާނީ ބޭސްވެރިކަމުގެ ހޯދުންތަކުންވެސް އެގޭގޮތުގައި ޖިސްމާނީ ގޮތުންނާއި ނަފުސާނީ ގޮތުން އަދި ޚަލްޤުކުރެވިފައިވާ ގޮތުގައިވެސް ދެޖިންސުގައި ތަފާތު އެބަހުއްޓެވެ. މިދެ ޖިންސަކީވެސް ﷲ ޢައްޒަ ވަޖައްލަ އުފައްދަވާފައިވާ ބަޔަކަށް ވާއިރު އެދެބައިމީހުންގެ ތަފާތު ބޮޑަށް ދެނެވޮޑިގެންނަވާނީ އެ ހެއްދެވި ފަރާތް ފިޔަވައި ދެން ކޮންފަރާތެއްހެއްޔެވެ؟ ވީމާ ޠަބީޢީގޮތުން މިއިން ކޮންމެ ފަރާތަކަށްވެސް، އަންހެނުންނަށްވެސް އަދި ފިރިހެނުންނަށްވެސް މުޖުތަމަޢުގެ އިޖުތިމާޢީ ހަމަހަމަކަން ހިފެހެއްޓުމަށްޓަކައި ތަފާތު ކަންތައްތަކެއް ނުވަތަ ދައުރެއް ވާނީ ދެއްވާފައެވެ.

އެއްވެސް ޖިންސަކީ ވަކި ޖިންސަކަށްވުރެ މަތިވެރި ނުވަތަ ދަށުދަރަޖައިގެ ޖިންސެއް ނުމެނޫންމެއެވެ. މުޖުތަމަޢުގައި އަންހެނުންނާއި ފިރިހެނުންގެ މިސާލަކީ އެކަތިގަނޑެއްގެ މިސާލެވެ. އެތަނުން އެއްބައި ނެތްނަމަ އެއެއްޗެއް ފުރިހަމައެއްނުވާނެއެވެ. އަޅުގަނޑުމެންގެ މުޖުތަމަޢަށް ބަލަމާތޯއެވެ؟ މުޖުތަމަޢުގައި އުޅޭ ތަފާތު މީހުންތަށް ކޮންމެދުވަހަކުވެސް ފެންނާނެއެވެ. ޑޮކްޓަރުންނާއި، މުދައްރިސުންނާއި ދަނޑުވެރިންނެވެ. މިއިން ކޮންމެމީހަކީވެސް މުޖުތަމަޢަށް ވަރަށް ފައިދާހުރި ފަރާތެކެވެ. މުޖުތަމަޢު ފުރިހަމަ މުޖުތަމަޢަކަށް ވަނީ މިހުރިހާ ފަރާތްތަކެއް އެކުވުމުންނެވެ. ހުރިހާ ފަރާތްތަކަކީވެސް ތަފާތު، ތަފާތުކަންތައްތަކެއް ކުރާ ތަފާތު މީހުންނެވެ. ނަމަވެސް މުޖުތަމަޢަށް މިއެންމެންވެސް މުހިންމުވާނީ އެއްވަރަކަށެވެ. ކޮންމެ ފަރާތެއްވެސް އެފަރާތަކުން ކުރާކަމަކަށް ވަރަށް މޮޅުވާނެއެވެ. އަދި މިއިން ކޮންމެ ފަރާތަކުންވެސް އަނެއްފަރާތަށް ޚިދުމަތް ފޯރުކޮށްދޭނެއެވެ.

ހަމަ އެބީދައިން އަންހެނުންނާއި ފިރިހެނުންނަކީވެސް ތަފާތު ޖިންސެއް ކަމުގައިވިޔަސް އެދެ ޖިންސުވެސް އެދެފަރާތަށް ޚާއްޞަ ކަންތައްތަކުގައި ނުވަތަ ދައުރު އަދާކުރުމުގައި ހަމަ ބަޔާންކުރެވުނު މިސާލުގައިހެން ތަފާތުވާނެއެވެ. އަދި އެފަރާތަށް ރަގަޅަށް ކުރެވޭނީ އެފަރާތަށް ޚާއްޞަ ކަންކަމުގައެވެ. އަދި މިދެޖިންސަކީވެސް އެއްކަމެއް ކުރުމުގައި އެއްވަރު ބައެއްކަމުގައި ވުމަކީ ވުމަށްވުރެ ނުވުން ގާތް ކަމެކެވެ.

އިތުރަށް ވިދާޅުވޭ...

ދީނުގައި ކުރަން އަންގަވާފައިވާ ކަންތައްތަކާއި ކުރެވޭ ކުށްތަކަށް ދެވޭ އަދަބުތަކުގައި، އަންހެނުންނާއި ފިރިހެނުންގެ ދެމެދުގައި ހުރި ހަމަހަމަކަން

އަލްއަޚް ޢަބްދުއްރަޙީމް މުޙައްމަދު ޅޮހީ

ރޫޙާނީގޮތުންބަލާއިރު އިސްލާމްދީނުގައި އަންހެނުންނާއި ފިރިހެނުން އެއްވެސް ޙާލެއްގައި އެއްވެސްކަހަލަ ތަފާތެއް ނުކުރެއެވެ. ދެޖިންސުގައިވެސް ފުރާނަ ވަނީ އަޅުއްވާފައެވެ. ދެޖިންސުގެ އިންސާނުންނަކީވެސް ހަމަ އެއްމަޤުޞަދެއްގައި ހައްދަވާފައިވާ މަޚުލޫޤުންނެވެ. ދީނުގައި ކުރަންއަންގަވާފައިވާ ވާޖިބުތަކަކީ ދެފަރާތުންވެސް ކުރަންޖެހޭ ކަންތައްތަކެވެ. އަދި ދެޖިންސުގެ ޢަމަލުތައްވެސް ބައްލަވާ ވޮޑިގެން ހިސާބުބައްލަވާނީ ހަމަ ﷲ ޢައްޒަވަޖައްލައެވެ. އަދި ޘަވާބުދެއްވުމާއި ޢަޛާބުދެއްވުމުގައިވެސް ވަކި ޖިންސެއްގެ ތަފާތެއްނެތެވެ.

ކީރިތި ޤުރުއާނުގައި ހެޔޮޢަމަލުތަކާއި އަދި އަޅުވެރިކަމުގެ ސަބަބުން ސުވަރުގެއަށް ވަންނަމީހުންގެ ނަންގަނެވޭ ކޮންމެ ތަނެއްގައި ބާޔާންކުރައްވަނީ ފިރިހެނުންނާއި އަންހެނުންގެ ވާހަކަ އެއްކޮށެވެ. "وَمَنْ يَعْمَلْ مِنَ الصَّالِحَاتِ مِنْ ذَكَرٍ أَوْ أُنْثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ وَلَا يُظْلَمُونَ نَقِيرًا" النساء: ١٢٤ މާނައީ: "އެމީހަކު އީމާންވެގެން ޞާލިޙް ޢަމަލުކޮށްފި ކޮންމެ މީހަކު އެއީ ފިރިހެނަކުނަމަވެސް ނުވަތަ އަންހެނަކު ނަމަވެސް ފަހެ އެމީހުން ސުވަރުގެ ވަންނަހުއްޓެވެ. އަދި ނަޤީރެއްގެ މިންވަރު (ކިތަންމެ ކުޑަ މިންވަރު) އަނިޔާވެސް އެމީހުންނަށް ނުވެވޭނެއެވެ." އަދިވެސް ﷲ ތަޢާލާ ވަޙީކުރައްވާފައިވެއެވެ." مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ" النحل: ٩٧ މާނައީ: "ފިރިހެނަކު ނަމަވެސް އަދި އަންހެނަކު ނަމަވެސް އެމީހަކު އީމާންވެގެންވާ ޙާލު، ޞާލިޙު ޢަމަލުކޮށްފިމީހާ (ދަންނައެވެ!) ފަހެ ހަމަކަށަވަރުން ތިމަންއިލާހު އެމީހަކަށް ރަނގަޅުވެގެންވާ ޙަޔާތެއް ދެއްވާހުށީމެވެ. އަދި ހަމަކަށަވަރުން، އެމީހުން ދުނިޔޭގައި ކުރި ޢަމަލުތަކަށްވުރެ މާ ރަނގަޅު ދަރުމައާ ޘަވާބު އެމީހުންނަށް ތިމަންއިލާހު ދެއްވާހުށީމެވެ." އަދިވެސް ﷲ ތަޢާލާ ވަޙީކުރައްވާފައިވެއެވެ. "وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُقِيمُونَ الصَّلَاةَ وَيُؤْتُونَ الزَّكَاةَ وَيُطِيعُونَ اللَّهَ وَرَسُولَهُ أُولَئِكَ سَيَرْحَمُهُمُ اللَّهُ إِنَّ اللَّهَ عَزِيزٌ حَكِيمٌ" التوبة: ٧١ މާނައީ: "އަދި މުއުމިނު ފިރިހެނުންނާއި މުއުމިނު އަންހެނުންނީ އޭގެ އެއްބަޔަކު އަނެއްބަޔެއްގެ އެހީތެރިން ކަމުގައިވާ މީހުންނެވެ. އެމީހުން ހެޔޮކަންތަކަށް އަމުރުކޮށް ނުބައިކަންތައް ނަހީކުރެތެވެ. އަދި އެމީހުން ނަމާދު ޤާއިމްކުރެއެވެ. އަދި އެމީހުން ޒަކާތްދެއެވެ. އަދި އެމީހުން ﷲ އަށާއި އެއިލާހުގެ ރަސުލާއަށް ކިޔަމަންތެރިވެއެވެ. އެމީހުންނަށް ނިކަންހުރެ ﷲ ރަޙްމަތްލައްވާނެއެވެ. ހަމަކަށަވަރުން ﷲއީ ގަދަފަދަވަންތަ ޙިކްމަތްވަންތަ ކަލާނގެއެވެ." އަދިވެސް ﷲ ތަޢާލާ ވަޙީކުރައްވާފައިވެއެވެ. "إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا" الأحزاب: ٣٥ މާނައީ: "ހަމަކަށަވަރުން މުސްލިމު ފިރިހެނުންނާއި މުސްލިމު އަންހެނުން، މުއުމިނު ފިރިހެނުންނާއި މުއުމިނު އަންހެނުން އަދި ކިޔަމަންތެރި ފިރިހެނުންނާއި ކިޔަމަންތެރި އަންހެނުން، އަދި ތެދުވެރި ފިރިހެނުންނާއި ތެދުވެރި އަންހެނުން، އަދި ކެތްތެރި ފިރިހެނުންނާއި ކެތްތެރި އަންހެނުން، އަދި ބިރުވެތިވެ ތަވާޟުޢުވެރިވާ ފިރިހެނުންނާއި ބިރުވެތިވެ ތަވާޟުޢުވެރިވާ އަންހެނުން، އަދި ޞަދަޤާތްދީ ޒަކާތްދޭ ފިރިހެނުންނާއި ޞަދަޤާތްދީ ޒަކާތްދޭ އަންހެނުން، އަދި ރޯދަހިފާ ފިރިހެނުންނާއި ރޯދަހިފާ އަންހެނުން، އަދި ތިމާމެންގެ ލަދުވެތި ގުނަވަންތަކަށް ރައްކާތެރިވާ ފިރިހެނުންނާއި ރައްކާތެރިވާ އަންހެނުން، އަދި ގިނަ ގިނައިން ﷲ ހަނދާންކޮށް ޛިކްރުކުރާ ފިރިހެނުންނާއި އަދި ގިނަގިނައިން ﷲ ހަނދާންކޮށް ޛިކްރުކުރާ އަންހެނުން، މި މީސްމީހުން ދަންނައެވެ. ހަމަކަށަވަރުން ﷲ އެމީހުންގެ ފާފަފުއްސެވުމާއި އަދި ބޮޑުވެގެންވާ ދަރުމަ ތައްޔާރުކޮށްދެއްވިއެވެ."

ޤިޔާމަތްދުވަހުން އަންހެނުންނާއި ފިރިހެނުންނަށް އެމީހުންގެ ޢަމަލުތަކަށް ހިސާބުބެއްލެވޭނެ ކަމާމެދު އެއްވެސް ޝައްކެއް ނެތެވެ. ކޮންމެ މީހަކުވެސް އެމީހަކު ޒައްރެއްގެ މިންވަރުގެ ހެޔޮކަމެއް ކުރިނަމަވެސް އެކަންދެކޭނެއެވެ. އަދި ޒައްރެއްގެ މިންވަރުގެ ނުބައިކަމެއް ކޮށްފިމީހާ އެކަންވެސް ދެކޭނެއެވެ. އަންހެނެއް ކަމުގައިވުން ނުވަތަ ފިރިހެނެއްކަމުގައި ވުން އިސްލާމްދީނުގައި ތަފާތެއްނުކުރެއެވެ. ކޮންމެމީހަކުވެސް ﷲ ޢައްޒަވަޖައްލައަށް ކިޔަމަންތެރިވީ މިންވަރަކުން އެމީހަކަށް ހެޔޮޖަޒާ ދެއްވާނެއެވެ.
މާތް ﷲ ޢައްޒަވަޖައްލަ ޒަލްޒަލާ ސޫރަތުގެ ފަހު ދެއާޔަތުގައި ވަޙީކުރައްވާފައިވެއެވެ. "فَمَنْ يَعْمَلْ مِثْقَالَ ذَرَّةٍ خَيْرًا يَرَهُ * وَمَنْ يَعْمَلْ مِثْقَالَ ذَرَّةٍ شَرًّا يَرَهُ" الزلزلة: ٧ - ٨ މާނައީ: "ފަހެ ހެޔޮކަމުގެ ތެރެއިން ޛައްރެއްގެ މިންވަރުގެ ކުޑަ ޢަމަލެއްކޮށްފައިވާ މީހަކުވެސް އެ ހެޔޮކަންދެކޭނެއެވެ. އަދި ނުބައިކަމުގެ ތެރެއިން ޛައްރެއްގެ މިންވަރުގެ ކުޑަ ޢަމަލެއްކޮށްފައިވާ މީހަކުވެސް އެކަން ދެކޭނެއެވެ."

އާދެ އެއީ ކޮންމެ ޖިންސެއްގެ މީހެއްކަމުގައި ވިޔަސްމެއެވެ.

އިތުރަށް ވިދާޅުވޭ...

ފިރިހެނުންނާއި އަންހެނުން އުފެއްދެވުމުގެ ބޭނުން

އަލްއަޚް އަބްދުއްރަޙީމް މުޙައްމަދު ޅޮހީ

ﷲ ޢައްޒަވަޖައްލަ، އެއްވެސް އެއްޗެއް ބޭކާރުގޮތުގައި ނުއުފައްދަވައެވެ. އެކަލާނގެ އުފައްދަވާފައިވާ ކޮންމެ އެއްޗެއް އުފެއްދެވުމުގައިވެސް ފަހަތުގައި ވަރަށް މަތިވެރި ޙިކުމަތްތަކެއްވާނެކަން ޔަޤީނެވެ.

ﷲ ޢައްޒަވަޖައްލަ، މުއުމިނުންގެ ނަމުން ނަންދެވިފައިވާ ސޫރަތުގައި ވަޙީކުރެއްވިއެވެ. "أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ" المؤمنون: ١١٥ މާނައީ: " އަޅެފަހެ، ތިމަންރަސްކަލާނގެ ތިޔަބައިމީހުން ހައްދަވާފައިވަނީ، ބޭކާރުގޮތުގައި ހަމަކުޅިވަރަށްކަމަށާއި، އަދި ހަމަކަށަވަރުން، ތިޔަބައިމީހުން ތިމަންރަސްކަލާނގެ ޙަޟްރަތަށް ރުޖޫޢަ ނުވާނޭކަމުގައި ތިޔަބައިމީހުން ހީކުރަނީ ހެއްޔެވެ؟

ކުރިން ބަޔާންވިފަދައިން، މުސްލިމުން ޤަބޫލުކުރާގޮތުގައި އިންސާނުންނާއި ޖިންނީން އުފެއްދެވުނީ މާތް ﷲ ޢައްޒަވަޖައްލައަށް އަޅުކަން ކުރުމަށެވެ. އަދި ޝައިޠާނާއާއި އޭނާގެ އެކުވެރިންގެ މަޅިތަކުން ސަލާމަތްވެ، ﷲ ޢައްޒަވަޖައްލަ، އަހަރެމެން ހިނގަން އެންގެވިމަގުން ހިނގައި ސުވަރުގޭގެ މަތިވެރި ނިޢުމަތް ޙާޞިލްކުރުމަށެވެ. ﷲ ޢައްޒަވަޖައްލަ ވަޙީކުރެއްވިއެވެ. "وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ" الذاريات: ٥٦ މާނައީ: "އަދި ތިމަންއިލާހު ޖިންނީންނާއި އިންސީން ހަމައެކަނި ތިމަން އިލާހަށް އަޅުކަންކުރުމަށް މެނުވީ ނުހައްދަވަމެވެ." އަދިވެސް ﷲ ޢައްޒަވަޖައްލަ ވަޙީކުރެއްވިއެވެ. "بَلِ اللَّهَ فَاعْبُدْ وَكُنْ مِنَ الشَّاكِرِينَ" الزمر: ٦٦ މާނައީ: އަދި ކިޔެއް ހެއްޔެވެ! ހަމައެކަނި ﷲ އަށް އަޅުކަންކުރާށެވެ. އަދި ޝުކުރުކުރާ މީހުންގެ ތެރެއިން ކަލޭގެފާނު ވެވަޑައިގަންނަވާށެވެ." އަދިވެސް ހަމަ އެރައްބު ހަމައެސޫރަތުގެ 11 ވަނަ އާޔަތުގައި ވަޙީކުރައްވާފައިވަނީ މިފަދައިންނެވެ. "قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَهُ الدِّينَ" الزمر: ١١ މާނައީ: "ކަލޭގެފާނު ވިދާޅުވާށެވެ! ތިމަންކަލޭގެފާނަށް އަމުރުވެވިގެންވަނީ އިޚްލާޞްތެރިކަމާއެކު ﷲ އަށް އަޅުކަން ކުރުމަށެވެ. އެކަލާނގެއަށް އަޅުކަން ޚަލާޞްކޮށްގެންނެވެ."

އިތުރަށް ވިދާޅުވޭ...

ވިހުރުނު ދިދަ

އަލްއަޚް ޢަބްދުއްރަޙީމް މުޙައްމަދު

ސުކޫލްބަންދަށްފަހު އަލުން ސުކޫލަށްދެވޭ ދުވަހަކީ ކޮންމެ ކުއްޖަކުވެސް ވަރަށްއުފާވާނެ ހަނދާނުން ފުހެލަންދަތިވާނެ ވާނެ ދުވަހެކެވެ. އަހަރެން ވެސް މިކަމުގައި އެއްވެސް ތަފާތެއްނެތެވެ. އެކަމަކު އަހަރެން މިފަހަރު ހަމައެކަނި އާ ތައުލީމީ އަހަރެއް އާ ސުކޫލެއްގައި ފަށަނީކީ ނޫނެވެ. ހަމައެޔާއެކު އަހަރެންގެ ދިރިއުޅުމުގެ އާ ޞަފުހާއެއްވެސް އަހަރެން ފަށަނީއެވެ. އެއީ އަހަރެންގެ މެދު މަދަރުސީ ތަޢުލީމުގެ ހަމައެކަނި ފެށުމެއްނޫނެވެ. ހަމައެޔާއެކުގައި އަހަރެން ބޮޑުވެ ތަޞައްރަފު ފުދިފައިވާ އަންހެންކުއްޖެއްގެ ދައުރުވެސް ފަށަނީއެވެ.

ހޯމަދުވަހުގެ ހެނދުނު އަހަރެން ސުކޫލަށް ދިޔުމަށްޓަކައި ހޭލައިފީމެވެ. ސުކޫލަށް ދާހިތުން އެރޭ ރަނގަޅަށް ނުވެސް ނިދުނެވެ. ހީވަނީ ބަނޑުގައި ކޮކާ އުދުހޭ ހެންނެވެ. މިހާރު މިއޮތީ އަހަރެން އިންތިޒާރުކުރި ބޮޑުދުވަސް އައިސްފައެވެ. އަހަރެން އަވަސް އަވަހަށް ހެދުން އަޅާލައިފީމެވެ. އަދި އަހަރެން ފަޚުރުވެރިކަމާއެކު އަހަރެންގެ ލޯބި ލޯބި ކަޅު ބުރުގާ ނަގާ ބޮލުގައި އަޅާލީމެވެ. ލޯގަނޑަށް ބަލާލުމުން އަހަރެންނަށް ލިބުނު އުފާވެރިކަން ބަޔާންކުރަން ދައްޗެވެ. އުފަލުން އަހަރެން ފުރުނު ކަހަލައެވެ. އަހަރެންގެ ސުކޫލުގެ އާއަހަރު، އަހަރެން އާ ބުރުގާއަކާއެކު، އަހަރެންނަށް ފެންނަނީ ވަރަށް އުއްމީދީކޮށެވެ. އަހަރެންގެ މަންމައަށް ސަލާމްކުރުމަށްފަހު އަހަރެން ހިނގައިގަތުމުން އަހަރެންނަށް ލޯބިކޮށްލުމަށްފަހު ހެޔޮދުޢާކޮށްދިނެވެ.

އެހާ ފަތިހާ ހޭލުމާއެކުވެސް އަހަރެންނަށް ސުކޫލަށް ދެވުނީ ގަޑިޖެހިގެންނެވެ. އަވަސް އަވަހަށް އަހަރެން ފުރަތަމަ ގަޑި އޮތްކުލާހާ ދިމާޔަށް ދުއްވައިގަތީމެވެ. އެތައް އިރެއްގެ މަސައްކަތުން އަހަރެންނަށް އަހަރެންގެ ސައިންސުކުލާހާ ހިސާބަށް ދެވިއްޖެއެވެ. އަހަރެން ކުށްވެރިއެއްފަދައިން ކުލާހަށް ބޯ ދިއްކޮށްލާ ބަލައިލީމެވެ. ކުލާހުގައި ހުރިހާ ކުދިންވެސް ވަރަށް މަޑުމައިތިރިކަމާއެކު އިށީނދެ ތިއްބެވެ. ކުލާހުގައި ހުންނެވި މުދައްރިސު ވަރަށް އޯގާވެރިކަމާއެކު ބޭނުންތަނެއްގައި އިށީނުމަށް އަހަރެންނަށް އިޝާރާތްކުރެއްވިއެވެ. އަހަރެން އަވަސް އަވަހަށް ހުސްގޮނޑިޔަކަށް ހޯރައެއް އައިނަކަށް ޖެހިގަންނަހެން ޖެހިގަތީމެވެ.

އިށީނުމަށްފަހު އަހަރެން މުދައްރިސް ދައްކަވަމުން ދެއްކެވި ވާހަކަ ފަރުވާތެރިކަމާއެކު އަޑުއެހޭތޯ މަސައްކަތްކުރަން ފަށައިފީމެވެ. އެވަގުތު އަހަރެންނަށް ބައެއްކުދިން ވައިއަޑުން ވާހަކަތަކެއް ދައްކާ އަޑު އިވެންފަށައިފިއެވެ. އަދި ކޮންމެސް ވަރަކަށް ހޭއަޑުވެސް އިވެން ފަށައިފިއެވެ. އަހަރެންނަށް އެކުދިން ދައްކާ ވާހަކަތަކަށް ސަމާލުކަން ނުދީ ބެލީ މުދައްރިސް ދައްކަވަމުން ގެންދެވި ވާހަކަތަކުގެ މައްޗަށް ސަމާލުކަން އިތުރުކުރެވޭތޯއެވެ. އެވަގުތު އަހަރެން ފަހަތުގައި ތިބި ދެކުދިން ދައްކަމުން ދިޔަ ވާހަކަތައް ވަަރަށް ސާފުކޮށް އަޑުއިވެންފެށިއެވެ. "އޭނާގެ ބޯމަތީގައި އެއޮތީ މޭޒުމަތީގައި އަޅާ ފޮތިގަނޑެއްތަ؟ ނޫނީ އަތްފޮހޭ ތުވާއްޔެއްތަ؟" ދެން އިންކުއްޖާ އެޔަށް ޖަވާބު ދޭން ފެށިއެވެ. "އާން. ވެދާނެ. ދެން ހާދަ ހަޑި ޔޭ ދޯ". އެވަގުތު އެކުދިންނާ އެހެންކުދިންވެސް މަޑުމަޑުން ބައިވެރިވާތަން ފެނުނެވެ. އަހަރެންނަށް ވަރަށް ބޮޑަށް އަސަރުކުރިއެވެ. ލޮލުން ކަރުނަ ނީރާލިއެވެ. ހިފަހައްޓާލެވުނީ ހަމަކިރިޔާއެވެ. ދެބަވެފައި ހުރި ކަރުނަ ތިކިތައް މުދައްރިސަށް ފޮރުވުމަށްޓަކައި އަހަރެން އިސްޖެހީމެވެ. އަހަރެންނާމެދު އެކުދިން އެވިސްނަނީ ކޮންގޮތަކަށް ކަމެެއް އަހަރެންނަކަށް ނުވިސްނުނެވެ. އަހަރެންގެ ލޯބި ލޯބި އާބުރުގާ ހަމަ އެހާ ހަޑީހެއްޔެވެ؟ މުސްލިމު އަންހެން ކަބަލުންގެ ފަޚުރެއްކަމުގައި ދެކޭ ބުރުގާ އެކުދިން އެހާ ދައް އެއްޗެއްގެ އެެދެކެނީ ފަހެ ކީއްވެހެއްޔެވެ؟ އަހަރެން ބޮޑަށް ވިސްނާ ވަރަކަށް އަހަރެންގެ ލޮލަށް ޖަމާވަމުން ދިޔަ ކަރުނަ ތިކިތަކާއެކު ހިތުގައި އުތުރިގަތީ ރުޅިވެރިކަމެވެ. މިސުވާލުތަކާއެކު އަހަރެންގެ ސިކުނޑި އޮޅުން ބޮޅުން ވާ ގޮތް ވެއްޖެއެވެ. ކޮންމެ ގޮތެއްވިޔަސް އަހަރެން މިދުނިޔެއާއި ކުރިމަތިލާން ޖެހޭނެކަން އެނގެއެވެ. އެކަމަކު އަހަރެން ކުލާސް ނިމެންދެން އިނީ އިސްޖަހައިގެންނެވެ. ފަހު ގަޑި ނިމެންދެންވެސް އިނީ މިހާލުގައެވެ. ފަހު ގަޑި ނިމި ނިމޭ ރަނގަބީލުޖެހުމުން އަހަރެން މަންމަގެ ހިމާޔަތުގެ އަތުތެރެއަށް ވަނުމަށްޓަކައި ދުއްވައިގަތީމެވެ.

އަހަރެން އެހުރިހާ ވާހަކަތަކެއް މަންމައަށް ކިޔައިދިނީމެވެ. އޯގާވެރިކަމާއެކުގައި މަންމަ އަހަރެންގެ ބަސްތައް އަޑުއެހުމަށްފަހު އަހަރެންނަށް ނަޞީހަތް ދޭން ފަށައިފިއެވެ. އަހަރެންގެ ދިރިއުޅުމުގައި އަހަރެން އުޅެން ޖެހޭނީ ފަރުވާތެރިކަމާއެކުގައި ކަމަށް ބުންޏެވެ. ބޮޑުމީހަކަށްވެގެން މުޖުތަމަޢަކަށް ނުކުތުމަކީ ފަސޭހަކަމެއް ނޫންކަމަށް ބުނަމުން މަންމަ ކިޔައިދިނެވެ. މީހުން ދަރިފުޅަށް މަލާމާތްކޮށް ހީނ އަދި ބަލާ، ދިމާކޮށްވެސް ހަދާނެއެވެ. އެކަމަކު ދަރިފުޅު ޤަބޫލުކުރާގޮތުގައި ދަރިފުޅު ހިފެހެއްޓުމުން މީހުން ހަމައެކަނި ދަރިފުޅުބަލައިގަންނާނީއަކީ ނޫނެވެ. ދަރިފުޅުގެ އަމިއްލަ ނަފުސަށް ދަރިފުޅު އިޙުތިރާމް ކުރާ ފަދައިން އެމީހުން ދަރިފުޅަށް އިޙުތިރާމްވެސް ކުރާނެއެވެ. ބުރުގާ އަޅައިގެން މުސްލިމުން ނޫޅޭ ޤައުމެއްގައި ތިޔަ ވިހުރެވެނީ މާތް ރަސޫލާ ގެނެސްދެއްވި މަތިވެރި އިސްލާމް ދީނުގެ ދިދައެވެ. ތިޔަ ސާބިތުކޮށްދެނީ އިސްލާމްދީނުގެ ފުރިހަމަކަމާއި އެދީނުގައި އަންހެނުންނަކީ ކިހާ މުހިންމު ބަޔެއްކަމެވެ. އިސްލާމްދީނުގެ ހުޅުދާންކޮޅެއް ނެތް ޤައުމެއްގައި ދަރިފުޅަށް ތިޔަ ރޯކުރެވެނީ އިސްލާމްދީނުގެ އަލި ދަންމަރެވެ.

މިބަސްތަކުން އަހަރެންނަށް ހިތްވަރު ލިބުނެވެ. އަހަރެން އިސްއުފުލާލީމެވެ. ބުރުގާ އެޅުމުގައި އޮތީ ހަމައެކަނި ދެއްކުންތެރިކަން ނޫންކަމާއި އެއީ އެޔަށްވުރެ މަތިވެރި މަޤުޞަދެއްގައި ކުރެވޭ ކަމެއްކަން އަހަރެންނަށް އިހުސާސްކުރެވުނެވެ. އަހަރެންނަށް މަލާމަތްކޮށް ހީނ ހަދާ ކުދިންނަކީ އިސްލާމްދީނަށް ނިސްބަތްނުވާ، އިސްލާމް ދީން ނުދަންނަ ކުދީންނެވެ. އަހަރެންގެ ސަބަބުން އެކުދިންނަށް އިސްލާމްދީނުގެ މަޢުލޫމާތުތައް ލިބޭނެއެވެ. ކުޑަ ދުވަސް ކޮޅަކަށް އަހަރެންނަށް ދަތިތަކެއް ކުރިމަތިވެދާނެއެވެ. އެކަމަކު ދުވަސްކޮޅަކުން ހުރިހާ ކަމެއްވެސް ހަމަޔަކަށް އެޅި، ހުރިހާ ކަމެއް ހަމަޖެހިދާނެއެވެ. އަހަރެން ހެޔޮ ހިތުން ތައުބާވީމެވެ.

ޖެހިގެން އޮތް ދުވަހު ހެނދުނު ހޭލުމަށްފަހު އަހަރެން ސުކޫލަށްދާން ތައްޔާރުވެ އަހަރެންގެ އާ ހުދު ބުރުގާ އަޅާލީމެވެ. އަހަރެން ލޯގަނޑުން އަހަރެންނަށް ބަލާލީމެވެ. އަދި އަހަރެން މިކަން ކުރެވޭނެކަމަށް އަމިއްލަޔަށް އަޒުމު ކަނޑައެޅީމެވެ. އަހަރެންނަށް ޙަޤީޤަތުގައިވެސް މިކަން ވާނެއެވެ. އަހަރެންގެ ހިތުގައި ހުރި ކަންބޮޑުވުންތައް އަހަރެންގެ މަންމަގެ އޯގާވެރި ބަސްތަކާއި މާތް ރަސޫލާގެ ސުންނަތުން ފިލުވައިދީފިއެވެ. އެދުވަހު އަހަރެންނަށް އެއްކަމެއް ޔަޤީންވިއެވެ. އެއީ ކޮންމެކަމެއްވެސް ގަދައަޅައި މަސައްކަތްކުރާނަމަ އެކަމެއްވާނެކަމެވެ.

އެދުވަހަށްފަހު އެލޯގަނޑުގެ ކުރިމަތީގައި އަހަރެން އެތައްދުވަހަކު ހުއްޓިއްޖައީމެވެ. ﷲ ޞުބުޙާނަހޫ ވަތަޢާލާއަށް ޙަމްދު ހުއްޓެވެ. އަހަރެންނަށް މިކަން ކުރުމުގެ ތައުފީޤު އެކަލާނގެ ދެއްވައިފިއެވެ. އަހަރެން ބުރުގާ އެޅިތާ ދެވަނަ އަށް ވީ ދުވަހު އަހަރެންގެ ހިތުގައި ނެގުނު ބިންވަޅު އަދިވެސް އަހަރެންގެ ހިތުގައި އާވެ އާވެ އެބަހުއްޓެވެ.

މިހާރު އަހަރެން ކޮލެޖް ނިމުނީއެވެ. ފަޚުރުވެރިކަމާއެކު އަހަރެން ކޮންމެ ދުވަހަކުވެސް ބުރުގާ އެބަ އަޅަމެވެ. ހަމައެންމެ ކުރީ ދުވަހެކޭ އެއްގޮތަށެވެ. އަބަދުވެސް މިކަން ކުރުމުގެ ތައުފީޤު އަޅުގަނޑަށާއި އެންމެހާ އިސްލާމީ އުޚުތުންނަށް ދެއްވާށިއެވެ.


(ނިމުނީ)


ނޯޓު: މިލިޔުމަކީ ޖުމުޢާ މަޖައްލާއަށް ޔޫރަޕުގެ އަންހެންކުއްޖެއް ކަމަށްވާ ހަންސާ ޕަދުރީ ލިޔުއްވާފައިވާ ލިޔުއްވުމެއްގެ މައްޗަށް ދިވެހިބަހުން އަލުން އިބާރާތްކުރެވިފައިވާ ލިޔުމެކެވެ.

އިތުރަށް ވިދާޅުވޭ...